အရွက်ဝါခြင်း/ အပင်ဝါခြင်းပြဿနာ

ငရုတ်ရွက်ဝါခြင်းပြဿနာ (Yellowish) သည် နိုက်ထရိုဂျင်နှင့် မဂ္ဂနီဆီယမ်အာဟာရချို့တဲ့ခြင်း၊ ရေဝပ်ခြင်း သို့မဟုတ် ငရုတ်မိုဆိတ်ဗိုင်းရပ်စ် (Chilli Mosaic Virus) ကြောင့် ဖြစ်ပွားပြီး ပူအိုက်စိုစွတ်သော ရာသီဥတုတွင် အဖြစ်များသော ပြဿနာဖြစ်ပါသည်။ ရောဂါကျရောက်ပါက ငရုတ်ရွက်များ အစိမ်းဖျော့နှင့် အစိမ်းရင့်ရောင် အစက်အပြောက်များဖြစ်ကာ အဝါရောင်ပြောင်းညှိုးနွမ်း၍ ကြွေကျသွားတတ်သဖြင့် အပင်ကြီးထွားမှုနှေးကွေးပြီး အသီးများသေးငယ်ကာ အထွက်နှုန်းကို များစွာ လျော့ကျစေပါသည်။ ဤပြဿနာသည် မြေဆီလွှာအစိုဓာတ်မမျှတမှုကြောင့် လည်းကောင်း၊ ယင်ဖြူ (Whitefly) နှင့် ပျော်ပိုး (Aphids) ကဲ့သို့သော စုပ်ပိုးများက ဗိုင်းရပ်စ်ဖြန့်ဝေခြင်းကြောင့်လည်းကောင်း ကူးစက်ပြန့်ပွားတတ်ပါသည်။ ဗိုင်းရပ်စ်ကြောင့် ဝါခြင်းဖြစ်ပါက တိုက်ရိုက်ကုသရန် ဆေးဝါးမရှိသဖြင့် ရောဂါမကျရောက်မီ ယူရီးယားနှင့် ကွန်ပေါင်းမြေသြဇာ မျှတစွာကျွေးခြင်း၊ ရေသွင်းရေထုတ်စနစ်မှန်ကန်ခြင်း၊ ရောဂါရပင်များကို နှုတ်ယူဖျက်ဆီးခြင်းနှင့် ၎င်းဗိုင်းရပ်စ်သယ်ဆောင်သော စုပ်ပိုးများကို သီယာမီသိုဇင် (Thiamethoxam) ကဲ့သို့သော ပိုးသတ်ဆေးများဖြင့် စနစ်တကျ ထိန်းချုပ်ရန် အထူးလိုအပ်ပါသည်။

အရွက်များအဝါရောင်ပြောင်းညှိုးနွမ်းခြင်း၊ အရွက်များပေါ်တွင် အစိမ်းဖျော့ရောင်နှင့် အစိမ်းရင့်ရောင် အစက်အပြောက်များပေါ်လာခြင်း၊ အရွက်များသေးငယ်ခြင်းနှင့် ကွေးခြင်း၊ အရွက်များ ခြောက်သွေ့ကြွေကျခြင်း၊ အပင်များကြီးထွားမှုနှေးကွေးခြင်း၊ အသီးများသေးငယ်ခြင်းနှင့် အရည်အသွေးကျဆင်းခြင်း၊ ဗိုင်းရပ်စ်ရောဂါများကူးစက်ခြင်း ၊ အထွက်နှုန်းလျော့ကျခြင်း

မှန်ကန်သော အာဟာရနှင့် မြေသြဇာ မျှတစွာကျွေးခြင်း၊ ရေသွင်းရေထုတ်စနစ်ကောင်းမွန်စေခြင်း၊ ပိုးမွှားများကိုထိန်းချုပ်ခြင်း (အထူးသဖြင့် ပျော်ပိုးနှင့် ဖြူမှုန့်ပိုး)၊ ဗိုင်းရပ်စ်ကင်းစင်သော မျိုးစေ့များရွေးချယ်ခြင်း၊ ရောဂါကျရောက်သောအပင်များကိုဖယ်ရှားခြင်း၊ သီးလှည့်စိုက်ပျိုးခြင်း၊ ရောဂါခံနိုင်ရည်ရှိသောမျိုးများရွေးချယ်စိုက်ပျိုးခြင်း